Mentras o león acate as normas (non hai ningunha que impida a entrada dun león na biblioteca) pode ulir os libros, axudar a mantelos limpos e, o que máis lle gusta, asistir á hora do conto. Ao Sr. Mosquera moléstalle esta peluda presenza, que non afecta á súa xefa, a directora, sempre que o animal faga un uso estrito das regras. Ata que un día, despois dun suceso inesperado, o león incumpre as normas. León de biblioteca é un fermoso álbum ilustrado que trata da convivencia e o sentido común, da amizade entre seres moi diversos e o seu encontro no marabilloso mundo da biblioteca.

1º-2º Primaria